ទើបតែថ្មីៗនេះ រូបថតសត្វចម្លែកមួយក្បាលត្រូវបានអ្នកប្រើប្រាស់បណ្ដាញទំនាក់ទំនងសង្គមហ្វេសប៊ុក នាំគ្នាចែករំលែកយ៉ាងច្រើនយ៉ាងច្រើនពីម្នាក់ទៅម្នាក់ទៀត រហូតបានធ្វើឱ្យមនុស្សទូទាំងពិភពលោក នឿយឆ្ងល់ថា តើជាការពិតមែន រឺ ក្លែងក្លាយទេ?
បើយោងតាមការអះអាងរបស់ម្ចាស់រូបថតបានឱ្យដឹងថា គេបានរកឃើញសត្វចម្លែកមួយក្បាលនេះនៅក្នុងព្រៃនៃរដ្ឋ Pahang ប្រទេសម៉ាឡេស៊ី ហើយពេលនេះកំពុងស្ថិតនៅក្នុងមន្ទីរពិសោធន៍ រហូតដល់ព័ត៌មានមួយនេះបានបង្កការភ្ញាក់ផ្អើលដល់សមត្ថកិច្ចក្នុងតំបន់ថែមទៀតផង ។
ជាមួយគ្នានេះប្រធានប៉ូលិសរដ្ឋលោក Datuk Rosli Abdul Rahman បានចេញមកនិយាយថា សម្រាប់រូបភាព និង រឿងរ៉ាវដែលមនុស្សក្នុងហ្វេសប៊ុកកំពុងចាប់អារម្មណ៍នេះ គឺជារឿងមិនពិតទេ ដោយវាគ្រាន់តែជាល្បែងក្មេងលេងថ្មីមួយប្រភេទដែលគេដាក់លក់នៅលើ Online ហើយវាបានផលិតពីសារជាតិ silicone តែប៉ុណ្ណោះ ។
ឆ្លៀតពេលនេះ មន្ត្រីប៉ូលិសខាងលើបានសូមណូមពរដល់អ្នកប្រើប្រាស់បណ្ដាញសង្គមមួយចំនួនធំឱ្យយល់ថា សូមពិនិត្យឱ្យបានច្បាស់មុននឹងចែករំលែកព័ត៌មានទៅកាន់មនុស្សដទៃ ៕
Comments
Post a Comment